venres, 29 de decembro de 2017

Feliz Ano!



xoves, 28 de decembro de 2017

Na sala de audiovisuais... El último virrey de la India


En 1947, Lord Mountbatten (Hugh Bonneville), o bisnieto de réinaa Vitoria, asume a súa posición como o último vicerrei da India, co obxectivo de entregar o territorio de novo á súa xente. El vivía na planta de arriba da mansión dos gobernantes británicos, mentres que 500 criados musulmáns, sijs e hindús aloxábanse no piso de abaixo. A través de dúas parellas -a formada polo matrimonio de Louis e Edwina Mountbatten e o romance entre os mozos criados Jeet ( Manish Dayal) e Aalia ( Huma Qureshi), el hindú e ela musulmá- penetrarémonos nun período histórico cargado de conflitos a medida que o Imperio chega ao seu fin.



Podes atopala na sala de audiovisuais co rótulo
HISTÓRICO ULT novidades


Desfruta do trailer


(fuente: Sensacine)


mércores, 27 de decembro de 2017

Últimos días para participar


Recordarvos que podédes participar no sorteo do noso reto de lectura ata mañá, día 28, completando este formulario cos vosos datos persoais e os títulos dos libros lidos.

O venres 29 sortearemos un agasallo entre todos os participantes, do que faremos entrega o 4 de xaneiro.

Moita sorte a todos!


Indomable, de @srtabebi



@Srtabebi, o fenómeno superventas de poesía e a voz máis irreverente de Twitter, regresa cun novo libro incendiario: #Indomable.

Se estás a ler isto, probablemente sexas unha ou un inflamable. O porqué, xa o entenderás.

Agora ojéalo:
Isto non é un libro, é unha granada.

Que empecen as explosións.





Podes atopalo na biblioteca co rótulo
P SRT ind novidades


venres, 22 de decembro de 2017

Na sala de audiovisuais... El círculo

Mae Holland (Emma Watson) acaba de ser contratada para traballar no Círculo, a empresa da internet máis prestixiosa do mundo. A moza está entusiasmada por formar parte dunha compañía tecnolóxica punteira que, ademais, ofrece festas e múltiples actividades aos seus empregados que se celebran dentro da oficina. Pero aos poucos, Mae empeza a descubrir que baixo esa amigable fachada escóndese unha compañía que exerce un excesivo control que non só afecta os seus empregados, senón tamén ao resto de usuarios da Rede.


Podes atopala na sala de audiovisuais co rótulo
SUSPENSE CIR novidades


Desfruta do trailer


(fuente: Sensacine)


xoves, 21 de decembro de 2017

A cita da semana



mércores, 20 de decembro de 2017

El fuego invisible, de Javier Sierra

David Salas, un prometedor lingüista do Trinity Colaxe de Dublín, atópase, despois de aterrar en Madrid para pasar as súas vacacións, con Vitoria Goodman, unha vella amiga dos seus avós e coa súa nova axudante, unha misteriosa historiadora da arte.

Ese feito trastornará os seus plans e empuxarao a unha sorprendente carreira por pescudar que sucedeu cun dos alumnos da escola de literatura que rexenta lady Goodman. Para a súa sorpresa, a clave parece agocharse no mito do graal e a súa vinculación con España.

Remotas igrexas románicas dos Pireneos, coleccións de arte en Barcelona, libros antigos e estraños códigos en pedra alíñanse nunha trama chea de intriga que nos fará pensar sobre a orixe de toda inspiración, literatura e arte verdadeiros.



Premio Planeta 2017


Podes atopalo na biblioteca co rótulo
N SIE fue novidades intriga e misterio





martes, 19 de decembro de 2017

Felices Festas a todos!



luns, 18 de decembro de 2017

"Contos do animalario" con Vero Rilo



Nenos de 0 a 3 anos

Inscripción aberta desde hoxe 

20 prazas

Venres 22 - 18:00 - Ludoteca





Unha viaxe polos montes, prados e camiños máis verdes que podamos ver, unha chea de encontros cos animais máis marabillosos: topos choscos, chibos enormes e ogros torpes, pombas doces e dragóns atroces, bichos estraños, cabalos azuis e cantos de hai anos e de non fai tantos.







venres, 15 de decembro de 2017

Na sala de audiovisuais... Lo tuyo y tú

Youngsoo é un pintor que descobre que a súa noiva, Minjung, estivo tomando copas con outro home, motivo polo que discuten duramente. Tras este incidente, ela decide marcharse da casa durante un tempo. Ao día seguinte, Youngsoo sae en busca da súa noiva desaparecida polas rúas, enfrontándose consigo mesmo mentres que ela, ou unha muller idéntica, continúa coñecendo a outros homes no seu barrio.


Podes atopala na sala de audiovisuais co rótulo
DRAMA LOT novidades


Desfruta do trailer


(fuente: Sensacine)


xoves, 14 de decembro de 2017

Agasallos de Nadal


Sen ideas orixinais para este Nadal? Nesta guía podedes atopar algúns agasallos que de seguro farán as delicias de moitos lectores...

mércores, 13 de decembro de 2017

Participa no sorteo do Reto de Lectura 2017


A principios deste ano propuxémosvos un reto lector, e agora que xa vai rematando 2017 é hora de participar no noso sorteo entre todos os que o cumpristes. Como xa sabedes, para participar había que ler 14 títulos distintos ao longo de 2017. Pero non 14 títulos calquera, senón que cumpriran os seguintes requisitos:

1. Un libro que entrase como novidade á biblioteca.

2. Un libro de non ficción (ensaio, historia, ciencia, etc.)

3. Un libro dalgún dos puntos de interese da biblioteca.

4. Un libro en galego.

5. Un libro dunha autora africana.

6. Un libro dun autor que gañase un premio nos últimos 15 anos.

7. Un libro de poesía.

8. Un álbum ilustrado.

9. Un clásico esquecido.

10. Un libro que debías ler e non liches.

11. O libro favorito dalgún familiar ou amigo.

12. Un libro cuxo protagonista estea de vacacións.

13. Un libro cuxo autor sexa da túa cidade.

14. Un libro escrito por unha muller antes de 1900.

E como podedes participar no sorteo? Moi sinxelo... Facer clic aquí e completar o formulario cos vosos datos persoais e os títulos dos libros, ata o xoves 28. O venres 29 sortearemos un agasallo entre todos os participantes, do que faremos entrega o 4 de xaneiro.

Moita sorte a todos!


Mesa de conversa en inglés



Mañá, xoves 14, temos unha nova Mesa de Conversa en Inglés

Vide compartir un rato agradable mentres practicades o idioma, co apoio de Keyla James, voluntaria cultural.

Esperámosvos ás 19:30
na Sala multiusos da Biblioteca.



martes, 12 de decembro de 2017

Fruta prohibida, de Jeanette Winterson

Nos momentos cruciais da súa infancia, Jeanette Winterson sempre tiña a man unha laranxa: agarrábaa, pelábaa e comíaa coma se esta peza de froita fóra a consolala de todos os seus males. Máis tarde descubriu que existía froita distinta, máis saborosa, pero había que comela ás agachadas, lonxe das críticas da xente e da mirada inquisidora da súa nai; era froita prohibida, pero valía a pena correr o risco e gozar daquela delicia.

Adoptada por un matrimonio evanxélico dunha pequena cidade industrial inglesa, Jeanette Winterson creceu á sombra do fervor relixioso de toda unha comunidade. Os primeiros anos da súa vida foron un ir e vir entre fregueses seducidos polos sermóns e as palabras da Biblia, o único libro que circulaba pola súa casa, pero cando tiña pouco máis de dez anos a nena soubo que ela era distinta e que as leis do seu corpo levaríana a descubrir outra forma de amar.

Jeanette foise da cidade, e cando tiña vinte e catro anos escribiu "Fruta prohibida", esta conmovedora crónica do paso da adolescencia á idade adulta que entusiasmou aos lectores de entón e segue sendo unha guía espléndida para camiñar pola vida.


Podes atopalo na biblioteca co rótulo
N WIN fru novidades vida cotiá





luns, 11 de decembro de 2017

Obradoiro "Saturnales: o Nadal romano" con Asemblearias Lucus Augusti



Nenos de 4 a 12 anos

Inscripción aberta desde hoxe 

20 prazas

Venres 15 - 18:00 - Sala multiusos




A festividade das Saturnales celebrábase entre o 17 e 23 de decembro e estaba adicado a Saturno, deus da agricultura.

Neste obradoiro educativo lembraremos como os habitantes da Antiga Roma celebraban as Saturnales e teremos a oportunidade de realizar manualidades orixinais e creativas relacionadas con esta festividade.




xoves, 7 de decembro de 2017

Na sala de audiovisuais... El caso Sloane

Elizabeth Sloane (Jessica Chastain) é unha desapiadada estratega política cuxa única aspiración é gañar. O seu obxectivo é liderar unha campaña desde un lobby antiarmamentístico, para conseguir regular a lexislación da industria do armamento estadounidense. Para conseguilo, decide plantarlle cara ao poderoso lobby armamentístico, nunha encarnizada campaña na que terá que enfrontarse a poderosos inimigos, usando todas as súas habilidades e poñendo en risco polo camiño á súa propia carreira e aos seus seres queridos.


Podes atopala na sala de audiovisuais co rótulo
DRAMA CAS novidades


Desfruta do trailer


(fuente: Sensacine)


martes, 5 de decembro de 2017

Novidades no fondo de adultos: Non-Ficción

Comezamos o último mes do ano cunha nova tanda de novidades de non-ficción. Viaxes espaciais, cine, literatura, cociña, técnicas de estudio...Todo un variado de temas! Premendo nas imaxes podédes consultar se están dispoñibles ou ben facer unha reserva dende o catálogo.

Novidades Non-Ficción



luns, 4 de decembro de 2017

Un lugar pagano, de Edna O'Brien

Velaquí una das grandes novelas irlandesas de todos os tempos, comparada a miúdo co "Retrato del artista adolescente" de James Joyce, e tan emocionante como "Dublineses". Unha moza lembra a súa difícil, e á vez fascinante, nenez na Irlanda rural dos anos trinta e corenta: os rituais da vida no pobo, as persoas que coñeceu e amou, a encantadora beleza da paisaxe. Pero tamén lembra que a levou a abandonar o seu fogar para sempre, aquel instante exacto: o indicible misterio da súa familia.

Nesta extraordinaria novela autobiográfica, Edna O'Brien fálanos, cunha voz feminina tan sutil como poderosa, acerca da sexualidade e a morte, a familia e a iniciación á vida. Trátase, en certo xeito, dun libro sobre como crecemos, sobre como se crea a nosa identidade; e, tamén, sobre a difícil vida das mulleres nun tempo cheo de conflitos dun tipo ou outro.


Podes atopalo na biblioteca co rótulo
N OBR lug novidades vida cotiá





venres, 1 de decembro de 2017

Na sala de audiovisuais... Doña Clara (Aquarius)

Clara é unha melómana de 65 anos xubilada, viúva e nai de tres fillos que xa son maiores. Traballaba como crítica musical, pero agora pasa os seus días rodeada de libros e discos no seu apartamento no barrio de Boa Viagem, nun edificio chamado Aquarius. Pero Clara non é unha persoa normal e corrente, pois posúe o don de viaxar no tempo.


Podes atopala na sala de audiovisuais co rótulo
DRAMA DOÑ novidades


Desfruta do trailer


(fuente: Sensacine)


xoves, 30 de novembro de 2017

Novidades no fondo de adultos: Ficción

Rematamos o mes de novembro cunhas cantas novidades, desas que estades desexando ler... Grandes historias para evadirnos da vida cotiá. Premendo nas imaxes podédes consultar se están dispoñibles ou ben facer unha reserva dende o catálogo.

Novidades Ficción



mércores, 29 de novembro de 2017

A cita da semana


martes, 28 de novembro de 2017

El corazón de los hombres, de Nicholas Butler

Verán de 1962. Nelson, un mozo de trece anos, é o corneta dun campamento de boy scouts. As súas medallas, a súa habilidade para acender o lume e o celo co que desempeña as súas tarefas non son a mellor maneira de gañarse amigos. Só Jonathan, o mozo máis popular do campamento, préstalle un pouco de atención: é o único que se acorda dos seus aniversarios e o único que o defende dos abusones. Jonathan e Nelson non o saben aínda pero na súa infancia forxarán unha amizade que resistirá o paso do tempo e que lles axudará a soportar os golpes que a vida ten reservados para eles.

Tres xeracións de homes enfróntanse ás súas fraquezas nese territorio, non sempre ben delimitado, que separa o heroico do covarde, o ben do mal, a fidelidade da traizón. Unha inesquecible novela sobre as dificultades e as recompensas das grandes amizades.


Podes atopalo na biblioteca co rótulo
N BUT cor novidades vida cotiá





luns, 27 de novembro de 2017

"Ioga en inglés para nenos e pais" con Maki Otomo



Nenos de 4 a 12 anos,
acompañados dun adulto

Inscripción aberta desde hoxe 

10 prazas

Venres 1 - 18:00 - Ludoteca



Ioga é o proceso de volver ao fogar de quen es realmente.

Move o teu corpo, respira máis profundo e medita en paz.

Non é necesario entender inglés.

Podemos mirar, sentir e probar posturas de ioga fáciles xuntos!




venres, 24 de novembro de 2017

Na sala de audiovisuais... Life (Vida)

Roy Adams (Ryan Reynolds), David Jordan (Jake Gyllenhaal) e a tripulación da Estación Espacial Internacional viaxan a Marte co obxectivo de comprobar se as mostras recollidas no planeta vermello presentan indicios de vida intelixente. Cando un dos científicos a bordo examina a única célula atopada, todo o equipo presencia un feito insólito: a proba incuestionable de que hai vida extraterrestre.

Ante o seu asombro, deciden examinar e establecer o primeiro contacto co organismo alieníxena. Desgraciadamente, o grupo de astronautas descubrirá demasiado tarde que esta forma de vida é máis intelixente do que esperaban, ata tal punto que as súas vidas poderían estar en grave perigo. Se ese ente microscópico chega á Terra podería poñer en perigo toda existencia humana. Cal é exactamente a ameaza á que se enfrontan? Como lle farán fronte?



Podes atopala na sala de audiovisuais co rótulo
C. FICCIÓN LIF novidades


Desfruta do trailer


(fuente: Sensacine)


xoves, 23 de novembro de 2017

A cita da semana




mércores, 22 de novembro de 2017

Mesa de conversa en inglés



Mañá, xoves 23, temos unha nova Mesa de Conversa en Inglés

Vide compartir un rato agradable mentres practicades o idioma, co apoio de Keyla James, voluntaria cultural.

Esperámosvos ás 19:30
na Sala multiusos da Biblioteca.



martes, 21 de novembro de 2017

El soborno, de John Grisham

Lacy Stoltz é unha moza investigadora e avogada de Florida, e o seu traballo consiste en responder as demandas relacionadas coa mala praxe xudicial. Tras nove anos no posto, sabe que a maior parte dos problemas derivan de incompetencias.

De súpeto chégalle un caso de corrupción. Greg Myers afirma coñecer un xuíz de Florida que roubou máis diñeiro que o resto dos xuíces pouco honestos xuntos. Estaba involucrado en segredo coa construción dun gran casino en terras indíxenas. A mafia financiou o casino e agora leva cada mes unha boa tallada da caixa mensual. O xuíz tamén leva o seu parte e mira cara a outro lado. Todos contentos.

Pero agora Greg quere poñer punto final a esta situación. O seu único cliente coñece a verdade e quere contalo todo. Greg presenta unha denuncia e o caso asígnaselle a Lacy Stoltz, quen de inmediato sospeita que pode ser perigoso. Pero o perigo é unha cousa e a morte, outra moi distinta.


Podes atopalo na biblioteca co rótulo
N GRI sob novidades intriga e misterio





luns, 20 de novembro de 2017

"Contos para bebés" con Pavís Pavós



Nenos de 0 a 3 anos

Inscripción aberta desde hoxe 

20 prazas

Venres 24 - 18:00 - Ludoteca




Contos, xogos e cancións para desfrutar en familia.





venres, 17 de novembro de 2017

Na sala de audiovisuais... Un hombre llamado Ove

Ove (Rolf Lassgård) non é o típico veciño co que che apetece cruzarche no barrio. É case un sesentón, cascarrabias, solitario e resentido co mundo, un home que foi cesado como presidente da asociación de veciños. Claro que na vida de Ove algo está a piques de cambiar. Cando Parvaneh (Bahar Pars), unha rapaza embarazada, múdase xunto á súa familia, forxarase entre ambos unha inesperada amizade que cambiará a vida de Ove, devolvéndolle aos poucos a fe no xénero humano. E é que, a medida que el cambia, tamén o farán as persoas á súa ao redor, que empezan a comprender que o seu barrio non sería o mesmo sen este vello rosmón porque, ao final, todo o mundo quere a Ove.


Podes atopala na sala de audiovisuais co rótulo
COMEDIA HOM novidades


Desfruta do trailer


(fuente: Sensacine)


xoves, 16 de novembro de 2017

Eva, de Arturo Pérez-Reverte

Marzo de 1937. Mentres a Guerra Civil segue o seu tráxico curso, unha nova misión leva a Lorenzo Falcó ata Tánxer, turbulenta encrucillada de espías, tráficos ilícitos e conspiracións, co encargo de conseguir que o capitán dun barco cargado con ouro do Banco de España cambie de bandeira. Espías nacionais, republicanos e soviéticos, homes e mulleres, enfróntanse nunha guerra escura e sucia na que acabarán regresando perigosas pantasmas do pasado.

Tras o éxito internacional de Falcó, realidade e ficción volven enlazarse maxistralmente co talento literario de Arturo Pérez-Reverte nesta asombrosa novela de lectura fascinante.


Podes atopalo na biblioteca co rótulo
N PER eva novidades





mércores, 15 de novembro de 2017

Desfruta do jazz

Esta semana celébrase o XXVII Festival de Jazz de Lugo, e se sodes fans deste xénero musical ou queredes descubrir novos sons, aquí vos deixamos algunhas suxerencias que podédes atopar na nosa sala de audiovisuais...




martes, 14 de novembro de 2017

Certame de Poesía Infantil "Nadal 2017"



Un ano máis, co patrocinio da Consellería de Cultura, Educación e Ordenación Universitaria da Xunta de Galicia, convocamos o Certame de Poesía Infantil "Nadal 2017".

Nel poden participar todos os nenos e rapaces socios da Biblioteca, con poemas do tema xenérico "O Nadal". Cada neno poderá presentar cantos traballos desexe, cada un deles acompañado dunha solicitude de inscrición, e os poemas deberán estar escritos en galego e cunha extensión máxima dun folio por unha soa cara.

Haberá 3 categorías:

A -- nenos ata 8 anos

B -- nenos de 9 a 11 anos

C -- rapaces de 12 a 16 anos

O prazo de presentación dos traballos rematará o vindeiro 23 de decembro, debendo estar entregados na Biblioteca nesa data.

Un xurado escollerá os traballos premiados, cun máximo de tres por categoría, e os gañadores recibirán cadanseu diploma e lote de libros. O veredicto do xurado faráse público na primeira quincena de xaneiro de 2018.

Os traballos premiados nesta Fase Local participarán na Fase Provincial do Certame. Ademáis, os traballos premiados pasarán a ser propiedade da Biblioteca que se reserva o dereito de publicación dos mesmos.


luns, 13 de novembro de 2017

Espectáculo "O cubo máxico" con Raymon



Para todos os públicos

Ata completar aforo 

Venres 17 - 18:00 - Salón de Actos




Descobre o mundo do cubo máxico.

 Se queres coñecer o fascinante mundo dos cubos de rubik, ou se xa es un apaixonado do mesmo, encantarache a visión particular de Raymon, especialista en facer maxia con cubos de Rubik, conseguindo sorprender ao público con efectos moi novos e orixinais.

Os cubos ordénanse mágicamente e obedecen as súas ordes, creando un dos efectos máis sorprendentes dos últimos anos.



venres, 10 de novembro de 2017

Na sala de audiovisuais... Locas de alegría

Noutros tempos, Beatrice (Valeria Bruni Tedeschi) gozou como condesa dun gran esplendor económico e social. Agora, vive internada en Vila Biondi, unha institución mental onde tratan a súa esquizofrenia. Ao centro chega unha nova interna, Donatella (Micaela Ramazzotti), unha muller cun duro pasado e unha situación mental moi delicada. Aínda que con personalidades completamente opostas, entre as dúas mulleres xorde unha relación moi especial, que lles levará por camiños insospeitados.

E é que, cando os responsables da institución concédanlles unha saída transitoria para traballar nunha feira de produtos naturais, ambas aproveitarán a ocasión para fuxirse e iniciar toda unha aventura.


Podes atopala na sala de audiovisuais co rótulo
COMEDIA LOC novidades


Desfruta do trailer


(fuente: Sensacine)


xoves, 9 de novembro de 2017

A cita da semana