viernes, 30 de diciembre de 2016

Feliz 2017!



miércoles, 28 de diciembre de 2016

A cita da semana



martes, 27 de diciembre de 2016

El laberinto de los espíritus, de Carlos Ruiz Zafón


Na Barcelona de finais dos anos 50, Daniel Sempere xa non é aquel neno que descubriu un libro que habería de cambiarlle a vida entre os pasadizos do Cemiterio dos Libros Esquecidos. O misterio da morte da súa nai Isabella abriu un abismo na súa alma do que a súa esposa Bea e o seu fiel amigo Fermín tentan salvalo.

Xusto cando Daniel cre que está a un paso de resolver o enigma, unha conxura moito máis profunda e escura do que nunca podería imaxinar desprega a súa rede dende as entrañas do Réxime. É entón cando aparece Alicia Gris, unha alma nacida das sombras da guerra, para conducilos ao corazón das tebras e desvelar a historia secreta da familia... aínda que a un terrible prezo.



Podes atopalo na biblioteca co rótulo
N RUI lab novidades intriga e misterio




lunes, 26 de diciembre de 2016

Recordarvos que mañá temos Gala de maxia!



Para todos os públicos


Ata completar aforo 


Martes 27 - 18:00 - Salón de Actos




Un espectáculo a cargo dos participantes no obradoiro de maxia "Biblioteca encantada"



viernes, 23 de diciembre de 2016

Aviso: Pechado por festas


Os días 24 e 31 de Decembro e 6 de Xaneiro
a Biblioteca permanecerá pechada.

Bo Nadal!


Na sala de audiovisuais... La verdad duele

Will Smith protagoniza este thriller dramático baseado en feitos reais, onde interpreta ao doutor Bennet Omalu, o neuropatólogo forense que fixo o descubrimento sobre a orixe do CTE (traumatismo cranioencefálico crónico), unha enfermidade neurodexenerativa que aparece ao sufrir conmocións cerebrais provocadas por fortes golpes na cabeza.

En "La verdad duele", a historia vira ao redor do descubrimento desta enfermidade e o seu intento por facer que sexa recoñecida.




Podes atopala na sala de audiovisuais co rótulo
DRAMA VER novidades


Desfruta do trailer


(fuente: Filmaffinity)


jueves, 22 de diciembre de 2016

Gala-Show de Maxia



Para todos os públicos


Ata completar aforo 


Martes 27 - 18:00 - Salón de Actos




Un espectáculo a cargo dos participantes no obradoiro de maxia "Biblioteca encantada"



martes, 20 de diciembre de 2016

Falcó, de Arturo Pérez-Reverte


«O mundo de Falcó era outro, e alí os bandos estaban perfectamente definidos: dunha parte el, e da outra todos os demais.»

A Europa turbulenta dos anos trinta e corenta do século XX é o escenario das andanzas de Lorenzo Falcó, ex contrabandista de armas, espía sen escrúpulos, axente dos servizos de intelixencia. Durante o outono de 1936, mentres a fronteira entre amigos e inimigos redúcese a unha liña imprecisa e perigosa, Falcó recibe o encargo de infiltrarse nunha difícil misión que podería cambiar o curso da historia de España. Un home e dúas mulleres -os irmáns Montero e Eva Rengel- serán os seus compañeiros de aventura e talvez as súas vítimas, nun tempo no que a vida se escribe a golpe de traizóns e nada é o que parece.



Podes atopalo na biblioteca co rótulo
N PER fal novidades intriga e misterio




lunes, 19 de diciembre de 2016

Felices Festas a todos!



"Descubrindo libros" con Mario Tomás



Nenos de 0 a 3 anos

Inscripción aberta desde hoxe 

20 prazas

Venres 23 - 18:00 - Ludoteca





viernes, 16 de diciembre de 2016

Na sala de audiovisuais... Madame Marguerite

París, anos vinte. Marguerite Dumont é unha muller adiñeirada, amante da música e da ópera. Dende hai anos canta regularmente fronte ao seu círculo de amigos, pero faino absolutamente fóra de ton e ninguén se atreve a dicirlle a verdade. Tanto o seu marido como os seus amigos dedicáronse sempre a manter a súa fantasía. Todo se complica o día que ela decide presentarse fronte a un verdadeiro público na ópera.



Podes atopala na sala de audiovisuais co rótulo
DRAMA MAD novidades


Desfruta do trailer


(fuente: Filmaffinity)


jueves, 15 de diciembre de 2016

Mesa de conversa en inglés



Mañá, venres 16, temos unha nova
Mesa de conversa en inglés.

Vide compartir un rato agradable mentres practicades o idioma.

Esperámosvos ás 19:30
na Sala multiusos da Biblioteca.


miércoles, 14 de diciembre de 2016

Novidades no fondo de adultos: Non-Ficción

Queres aprender a tocar o baixo? És demasiado protector cos teus fillos? Buscando novas recetas para as cenas de nadal? Pois nas novidades de non-ficción atoparedes iso e moito maís. Premendo nas imaxes podédes consultar se están dispoñibles ou facer unha reserva dende o catálogo.

Novidades Non-Ficción



martes, 13 de diciembre de 2016

La hija de Cayetana, de Carmen Posadas

Un episodio asombroso e esquecido protagonizado por unha das mulleres máis soadas da nosa Historia: Cayetana de Alba, a inesquecible musa de Goya.

Excéntrica, caprichosa e libre, durante máis de douscentos anos o seu poder de sedución mantívose inalterable. Con todo, poucos saben que a duquesa adoptou a unha nena negra, María Luz, a quen quixo e educou como a unha filla e á que deixou parte da súa fortuna.

Carmen Pousadas conta con man mestra a peripecia das dúas nais: a adoptiva, cos seus amores e dramas na corte de Carlos IV, un auténtico niño de intrigas, e a da biolóxica, Trindade que, escrava en España, loita por atopar ao bebé que lle foi arrebatado ao nacer.



Podes atopalo na biblioteca co rótulo
N POS hij novidades biográfica




lunes, 12 de diciembre de 2016

Obradoiro "Creando no Nadal" con Cucarandainas



Nenos de 4 a 12 anos

Inscripción aberta desde hoxe 

20 prazas

Venres 16 - 18:00 - Sala multiusos




O Nadal está achegandose e con el o tempo de pensar que ofrecer as personas do noso entorno.
Que mellor idea que regalar algo feito por un mesmo!

Obradoiro deseñado para o desenvolvemento da creatividade mediante o emprego de diferentes materiais, dando forma a diferentes agasallos pensados para o Nadal.




viernes, 9 de diciembre de 2016

Na sala de audiovisuais... Cegados por el sol

Na illa de Pantelleria, en Sicilia, un matrimonio goza dunhas tranquilas vacacións. A paz da parella vese interrompida un bo día pola aparición do antigo representante dela, que vén acompañado da súa filla. Ademais de ser a súa ex parella, o home é un charlatán e un vividor. Xorde entón unha espiral de celos e sospeitas entre os catro, cando o marido comeza a seducir á filla do ex-amante da súa muller. As consecuencias serán irreversibles.

Remake de "La Piscina" (1969) de Jacques Deray, esta co-produción entre Italia, Francia e Reino Unido está dirixida por Luca Guadagnino (Melissa P., The Protagonists) e protagonizada por Tilda Swinton, Ralph Fiennes, Dakota Johnson e Matthias Schoenaerts.



Podes atopala na sala de audiovisuais co rótulo
DRAMA CEG novidades


Desfruta do trailer


(fuente: Sensacine)


miércoles, 7 de diciembre de 2016

Obradoiro para adultos "Agasallos de Nadal: Fágao Vostede Mesmo"


A próxima semana teremos un obradoiro para os maiores (non todo vai ser para os nenos) que agardamos que vos guste. Será "Agasallos de Nadal: Fágao Vostede Mesmo", un obradoiro na liña do DIY (Do It Yourself) onde poderédes crear regalos orixinais e únicos coas vosas mans, dándolle o voso toque persoal.

Terá lugar o mércores 14 ás 18:00 h. e é totalmente gratuíto. Temos 15 prazas dispoñibles e para participar é necesario inscribirse na Biblioteca.

Animádevos e vide a darlle renda solta a vosa creatividade!


lunes, 5 de diciembre de 2016

"Vai de bechos" con Charo Pita



Nenos de 0 a 3 anos

Inscripción aberta desde hoxe 

20 prazas

Venres 9 - 18:00 - Ludoteca



Un león, un rato, un sapoconcho, un elefante… Centos de animais poboan as historias, as adiviñas e as cancións deste espectáculo.

Que animal será quen de vencer o vento?
Poderá construír un rato un palacio?
Quen, de entre todos os habitantes da selva, nos regalou un instrumento musical?
Seremos capaces de contar todos os animais que viven no mar?

Animais, animálculos, feras, bestas, bechas, bechocos, e algún monstro serán os protagonistas desta sesión de contos.



viernes, 2 de diciembre de 2016

Na sala de audiovisuais... Julieta

Julieta vive en Madrid coa súa filla Antía. As dúas sofren en silencio a perda de Xoan, pai de Antía e marido de Julieta. Pero a dor ás veces non une ás persoas senón que as separa. Cando Antía cumpre dezaoito anos abandona á súa nai, sen unha palabra de explicación. Julieta a busca por todos os medios, pero o único que descobre é o pouco que sabe da súa filla.

A película fala da loita da nai para sobrevivir á incerteza. Fala tamén do destino, do complexo de culpa e dese misterio insondable que nos fai abandonar ás persoas que amamos, borrándoas da nosa vida coma se nunca significasen nada, coma se non existisen.


Podes atopala na sala de audiovisuais co rótulo
CINE ESPAÑOL JUL novidades


Desfruta do trailer


(fuente: LaButaca)


jueves, 1 de diciembre de 2016

El asesinato de Sócrates, de Marcos Chicot

Grecia, século V a. C.

Un escuro oráculo vaticina a morte de Sócrates.
Un recentemente nado é condenado a morrer polo seu propio pai.
Unha guerra encarnizada entre Atenas e Esparta desangra Grecia.

"El
 asesinato de Sócrates" recrea maxistralmente a época máis extraordinaria da nosa historia. Nais que loitan polos seus fillos, amores imposibles e soldados tratando de sobrevivir entrelázanse dun modo fascinante cos gobernantes, artistas e pensadores que converteron Grecia no berce de nosa civi-lización. Ao longo das páxinas desta absorbente novela, brilla con luz propia a figura inigualable de Sócrates, o home cuxa vida e morte inspírannos desde hai séculos, o filósofo que marca un antes e un despois na historia da humanidade.


Finallista Premio Planeta 2016


Podes atopalo na biblioteca co rótulo
N CHI ase novidades histórica




Mesa de conversa en inglés



Mañá, venres 2, temos unha nova
Mesa de conversa en inglés.

Vide compartir un rato agradable mentres practicades o idioma.

Esperámosvos ás 19:30
na Sala multiusos da Biblioteca.


miércoles, 30 de noviembre de 2016

Novidades no fondo de adultos: Ficción

Co Nadal asomando pola porta... que mellor ca unhas cantas novidades para ler ou agasallar aos nosos seres queridos? Estas son tan só unha escolma do que podédes atopar nos nosos andeis se vides facernos unha visitiña. Premendo nas imaxes podédes consultar se están dispoñibles ou ben facer unha reserva dende o catálogo.

Novidades Ficción



martes, 29 de noviembre de 2016

Certame de Poesía Infantil "Nadal 2016"


Un ano máis convocamos o Certame de Poesía Infantil "Nadal 2016".

Nel poden participar todos os nenos e rapaces socios da Biblioteca, con poemas do tema xenérico "O Nadal". Cada neno poderá presentar cantos traballos desexe, cada un deles acompañado dunha solicitude de inscrición, e os poemas deberán estar escritos en galego e cunha extensión máxima dun folio por unha soa cara.

Haberá 3 categorías:

A -- nenos ata 8 anos

B -- nenos de 9 a 11 anos

C -- rapaces de 12 a 16 anos

O prazo de presentación dos traballos rematará o vindeiro 23 de decembro, debendo estar entregados na Biblioteca nesa data.

Un xurado escollerá os traballos premiados, cun máximo de tres por categoría, e os gañadores recibirán cadanseu diploma e lote de libros. O veredicto do xurado faráse público na primeira quincena de xaneiro de 2017.

Os traballos premiados nesta Fase Local participarán na Fase Provincial do Certame. Ademáis, os traballos premiados pasarán a ser propiedade da Biblioteca que se reserva o dereito de publicación dos mesmos.


lunes, 28 de noviembre de 2016

"Teatro na mochila" con Anxo Moure



Nenos de 4 a 12 anos

Inscripción aberta desde hoxe 

30 prazas

Venres 2 - 18:00 - Ludoteca




O primeiro teatro do mundo que viaxa nunha mochila reutilizada! Unha proposta de animación a lectura con contos, monicreques, paiasos....

Onde estan os contos? Na mochila!
Onde están os soños? Na mochila!
E a tenrura? Na mochila!
Onde estan as historias? Na mochila!
E a esperanza? Na mochila!
Onde está o teatro? Na mochila!



viernes, 25 de noviembre de 2016

Obradoiro "Biblioteca encantada"


Este mes e en decembro contaremos có obradoiro "Biblioteca encantada" para os pequenos magos da casa.

En que consiste?
Achégadevos connosco ao mundo da maxia e o ilusionismo. Asistiredes a unha sesión especial de maxia sorprendente e o mago posteriormente desvelará os seus segredos.

Que vades aprender? Neste curso aprenderedes sinxelos segredos que sorprenderán a todos. Non só aprenderedes o truco senón tamén as técnicas necesarias e o máis importante: como presentar os xogos. 


Necesitades algo especial para aprender?
Non necesitas nada, só ganas de ver e aprender maxia e asistir os días do curso.

Vades ser meigos de verdade? Ao final do curso conseguiredes presentar os vosos efectos favoritos aprendidos no curso. Teredes a oportunidade de actuar nunha Gala-Show de Maxia o día 27 de decembro ante público.

Esta actividade está indicada para nenos de 6 a 13 anos e t
erá lugar os días 29 de novembro, 13 e 20 de decembro ás 18:00 h. na Sala multiusos., cunha duración de 1 hora por sesión. É totalmente gratuíto

Para participar é necesario inscribirse na Biblioteca. Hai 15 prazas dispoñibles.

Animádevos, pequenos magos!


jueves, 24 de noviembre de 2016

Mesa de conversa en inglés



Mañá, venres 25, temos unha nova
Mesa de conversa en inglés.

Vide compartir un rato agradable mentres practicades o idioma.

Esperámosvos ás 19:30
na Sala multiusos da Biblioteca.


miércoles, 23 de noviembre de 2016

Todo esto te daré, de Dolores Redondo

No maxestoso escenario da Ribeira Sacra, Álvaro sofre un accidente que acabará coa súa vida. Cando Manuel, o seu marido, chega a Galicia para recoñecer o cadáver, descobre que a investigación sobre o caso pechouse con demasiada rapidez. O rexeitamento da súa poderosa familia política, os Muñiz de Dávila, impúlsalle a fuxir pero retenlle a alegación contra a impunidade que Nogueira, un garda civil xubilado, esgrime contra a familia de Álvaro, nobres arrolados nos seus privilexios, e a sospeita de que esa non é a primeira morte da súa contorna que enmascarouse como accidental. Lucas, un sacerdote amigo da infancia de Álvaro, únese a Manuel e a Nogueira na reconstrución da vida secreta de quen cría coñecer ben.

A inesperada amizade destes tres homes sen ningunha afinidade aparente axuda a Manuel a navegar entre o amor por quen foi o seu marido e o tormento de vivir de costas á realidade, blindado tras a quimera do seu mundo de escritor. Empezará así a procura da verdade, nun lugar de fortes crenzas e arraigados costumes no que a lóxica nunca termina de atar todos os cabos.


Premio Planeta 2016

Podes atopalo na biblioteca co rótulo
N RED tod novidades intriga e misterio




martes, 22 de noviembre de 2016

Conferencia "As bases xenéticas do cancro"


Este venres, dentro da programación do Mes da Ciencia en Galego nas Bibliotecas, teremos a conferencia "As bases xenéticas do cancro" da man do catedrático de medicina legal, investigador e experto internacional en xenética, Ángel Carracedo.

O currículum de Ángel Carracedo é moi extenso: Catedrático de Medicina Legal desde 1989; Director do Instituto de Medicina Legal da USC desde 1994 ata 2012; Director da Fundación Pública Galega de Medicina Xenómica (SERGAS-Xunta de Galicia) desde 1999; Director do Centro Nacional de Genotipado-ISCIII desde 2002; Xefe de grupo do CIBER de enfermidades raras (CIBERER) e do Instituto de Investigación Sanitaria de Santiago de Compostela(IDIS).

As súas principais liñas de investigación actuais inclúen a xenética do cancro e das enfermidades psiquiátricas en idade infantil e a farmacoxenómica. En setembro de 2015 recibiu o Premio Nacional de Xenética.

A conferencia terá lugar o venres 25 ás 16:30 h. no Salón de Actos e a entrada é de balde.



lunes, 21 de noviembre de 2016

"Animaliños" con Ramiro Neira



Nenos de 0 a 3 anos

Inscripción aberta desde hoxe 

20 prazas

Venres 25 - 18:00 - Ludoteca




"Animaliños” é unha peza de narración oral na que se contan e dramatizan contos da tradición oral de todo o Mundo. Contos de Venezuela, de Kenya, de Rusia...

A través das historias que imos contar, queremos que o público, axudado pola súa imaxinación, abandone a cidade e viaxe ao bosque, á selva...

Imos coñecer á Gata Kisha, á unha tartaruga moi intelixente, á unha urraca moi golosa e á un coello e un loro que teñen unha granxa...



viernes, 18 de noviembre de 2016

Na sala de audiovisuais... Nunca es tarde

"Nunca é tarde (Danny Collins)" cóntanos como un veterano rockeiro, ao que dá vida Al Pacino, segue vivindo unha desenfreada vida de músico, con drogas e unha noiva moito máis nova que el. O día do seu 64 aniversario, a súa vida dará un xiro cando atope unha carta escrita por un mozo John Lennon, que lle fará reformularse certos aspectos da súa vida.

Nese momento darase conta que sempre hai unha primeira vez para unha segunda oportunidade, iniciando unha dura viaxe chea de emocións e sentimentos. Inspirada en feitos reais, a película conta cunha banda sonora con música de John Lennon.



Podes atopala na sala de audiovisuais co rótulo
COMEDIA NUN novidades


Desfruta do trailer


(fuente: LaButaca)


jueves, 17 de noviembre de 2016

Mesa de conversa en inglés



Mañá, venres 18, temos unha nova
Mesa de conversa en inglés.

Vide compartir un rato agradable mentres practicades o idioma.

Esperámosvos ás 19:30
na Sala multiusos da Biblioteca.


miércoles, 16 de noviembre de 2016

A cita da semana



martes, 15 de noviembre de 2016

El problema de los tres cuerpos, de Cixin Liu

Este libro ofrece a posibilidade única de achegarse ao fenómeno editorial chinés que conquistou o mundo e gañou o premio Hugo 2015 á mellor novela, sendo a primeira vez que unha obra non escrita orixinariamente en inglés merece tal recoñecemento.

O seu autor, Cixin Liu, é o escritor de ciencia ficción máis relevante en China, capaz de vender máis dun millón de exemplares no seu país e convencer a prescriptores da talla de Barack Obama, quen seleccionou "El problema de los tres cuerpos" como unha das súas lecturas do Nadal de 2015, e Mark Zuckerberg, que o converteu na primeira novela do seu club de lectura. Agora o público e a crítica dos cinco continentes réndense a esta obra mestra, enormemente visionaria, sobre o papel da ciencia nas nosas sociedades, que nos axuda a comprender o pasado e o futuro de China, pero tamén, lida en clave xeopolítica, do mundo en que vivimos.


Podes atopalo na biblioteca co rótulo
N CIX pro novidades ciencia ficción




lunes, 14 de noviembre de 2016

Espectáculo "Megaciencia" con David Méndez



Para todos os públicos


Ata completar aforo 


Venres 18 - 18:00 - Salón de Actos





Un espectáculo para todas as idades onde o principal obxectivo é sorprendernos coa ciencia de maneira didáctica e divertida.

Unha viaxe fantástica onde a bioloxía, química, física, mestúrase cos segredos mellor gardados dos magos.

Mesturando o misterio e espontaneidade da maxia co poder da ciencia, “Magiciencia” servirá para mostrarnos como é posible que un obxecto apareza,desapareza, transfórmese ou levite.