lunes, 13 de abril de 2015

Certame de Narración e Debuxo Infantil "Letras Galegas 2015"


Como en anos anteriores, xa está aquí o Certame de Narración e Debuxo Infantil "Letras Galegas 2015".

Poden participar tódos os nenos e rapaces socios da Biblioteca, en dous modalidades: Narración e Debuxo. E o tema escollido este ano é "Da ciencia á ficción": o home na lúa, os robots, a realidade virtual, etc...

As narracións deberán ser en galego, cunha extensión máxima dun folio por unha soa cara; e os debuxos deberán estar feitos sobre cartolina de tamaño aproximado ó DIN-A4.

Cada neno poderá presentar cantos traballos desexe, acompañando cada un deles cunha folla cos seus datos persoais. Haberá 3 categorías:

A -- nenos ata 8 anos
B -- nenos de 9 a 11 anos
C --- rapaces de 12 a 16 anos

O prazo de presentación dos traballos da Fase Local rematará o vindeiro 8 de maio, debendo estar entregados na Biblioteca nesa data.

O xurado, que estará formado por persoas entendidas na materia, seleccionará por cada modalidade (debuxo e narración) e categoría (A, B e C) un máximo de 3 traballos. Os seleccionados da Fase Local daránse a coñocer antes do Día das Letras Galegas, e recibirán cadanseu diploma e lote de libros.

Os traballos premiados nesta Fase Local participarán na Fase Provincial do Certame, convocada pola Biblioteca, co patrocinio da Consellería de Cultura, Educación e Ordenación Universitaria da Xunta de Galicia. 

Na Fase Provincial participarán os traballos seleccionados nas respectivas fases locais das bibliotecas municipais da provincia de Lugo. Cada biblioteca poderá presentar un máximo de tres traballos por modalidade e categoría. O prazo de presentación dos mesmos rematará o vindeiro 29 de maio.

O xurado seleccionará por cada modalidade (debuxo e narración) e categoría (A, B e C) un máximo de 3 traballos, que daránse a coñocer durante a primeira quincena de xuño, e recibirán tamén cadanseu diploma e lote de libros. Ademáis, os traballos premiados en ambas fases pasarán a ser propiedade da Biblioteca que se reserva o dereito de publicación dos mesmos.


No hay comentarios: