martes, 31 de julio de 2012

La muerte no es un juego de niños, de Alan Bradley

Inglaterra, 1950. Flavia de Luce ten once anos e tres paixóns: os velenos, molestar ás súas irmás maiores e resolver misterios. Hai un tempo axudou á policía cun asasinato, pero dende entón o seu único consolo son os experimentos que realiza no seu laboratorio, situado nunha á deshabitada da mansión na que vive coa súa excéntrica familia.

Así pois, cando aparece unha furgoneta anunciando un espectáculo de monicreques, Flavia é a primeira en meter o nariz no asunto. O día da función, aínda que o cheo total fai prever un grande éxito, un tráxico accidente entúrbao todo. Aínda que... Seguro que se trata dun accidente?

Sen perder un segundo, Flavia móntase en Gladys, a súa fiel bicicleta, e pedalea á caza das pistas que lle permitan resolver este novo enigma. Poderá enfrontarse unha nena soa aos perigos que o axexan no camiño cara á verdade?

En "La muerte no es un juego de niños", Alan Bradley, un dos xenios da narrativa detectivesca, volve somerxernos nunha enxeñosa e apaixonante historia de misterio da man da investigadora máis singular, sarcástica e inesquecible do panorama narrativo actual.

Podes atopalo na biblioteca có rótulo: N BRA mue novidades intriga e misterio



viernes, 27 de julio de 2012

Detrás de la lluvia, de Joaquín M. Barrero

Madrid, 1941. Un home acusado de catro asasinatos alístase na Lexión e logo na División Azul. Coincidente coa orde policial de captura, un implacable asasino perségueo para matalo. O seu rastro desaparece nas xeadas frontes de Rusia.

Lena, Asturias, l928. Un neno escápase de casa para buscar, nunha cova dos cumios da cordilleira cantábrica, un fabuloso tesouro rastrexado durante séculos e que nunca existiu. A finais de 1937, xa adulto e rematada a guerra civil en Asturias, é botado do fogar. Nunca regresará, nin para reclamar a súa parte de herdanza. Xamais volverá saberse del.

Dúas vidas diferentes, dous destinos perdidos no misterio que o detective Corazón Rodríguez, no ano 2005, debe encontrar, indagando de novo en tempos esvaecidos.


'Detrás de la lluvia' é unha conmovedora novela, policíaca e histórica á vez, que o lector non esquecerá, non só pola forza dos seus personaxes, a súa mestría narrativa e a sedución da súa prosa, senón polo seu asombroso final e o impresionante traballo do autor en arquivos para acompañar a súa envexable memoria.

Podes atopalo na biblioteca có rótulo: N COO lla novidades intriga e misterio



jueves, 26 de julio de 2012

Lecturas moi veraniegas...




miércoles, 25 de julio de 2012

A cita da semana


"Todos los buenos libros tienen en común que son más verdaderos que si hubieran sucedido realmente"

Ernest Hemingway (1896-1961), escritor estadounidense



martes, 24 de julio de 2012

La llave del destino, de Glenn Cooper

Ruac, Francia, 1307.

Eu, Bartolomé, frade da abadía de Ruac, teño douscentos vinte anos e esta é a miña historia...

Así comeza un antigo manuscrito achado nas paredes da devastada abadía de Ruac. Hugo Pineau, experto en restauración de textos, queda fascinado por ese inicio e emprende a tarefa de descifrar o misterioso escrito e o mapa que o acompaña. Nas súas páxinas fálase dunha cova prehistórica, belamente pintada, próxima á abadía... e dunha fórmula que ben podería ser cualificada de milagrosa. Pero ás veces un milagre pode converterse nunha maldición.

Intrigado polos seus descubrimentos, Hugo solicita a axuda do seu amigo, o reputado arqueólogo Luc Simard, e ambos os dous conseguen dar co impresionante labirinto de covas, un achado de incalculable valor arqueolóxico. Non obstante, cando se dispoñen a exploralas a fondo cun equipo de expertos, comprenden que o segredo que conteñen esas húmidas e escuras paredes é demasiado valioso, demasiado anhelado. E que hai xente disposta
a calquera cousa para evitar que saia á luz.

Coa mestría das súas obras anteriores, Glenn Cooper somérxenos de novo nunha intriga que nos fai viaxar dende a prehistoria ata os nosos días mentres formula unha das preguntas máis inquietantes que xamais se formulou ser humano: quen non sentiu o desexo de gozar da eterna xuventude?

Podes atopalo na biblioteca có rótulo: N COO lla novidades




lunes, 23 de julio de 2012

Imos de viaxe a... Os Países Nórdicos



Se vos gusta pasar frio no verán, que mellor opción que unha viaxe ata os Países Nórdicos: Noruega, Finlandia ou Suecia. Paisaxes e cultura moi cerquiña do círculo polar!




viernes, 20 de julio de 2012

Martyrium: El ocaso de Roma, de Santiago Castellanos

Houbo un tempo en que o Imperio romano tivo catro emperadores nun mesmo ano e os cristiáns eran conducidos ao martirio. Os bárbaros premían as fronteiras, e os impostos, ás clases medias. Nese tempo, un só home logrou converterse no dono do maior imperio existente, e ao facelo cambiou o mundo.

"Martyrium" conta a apaixonante historia do triunfo do emperador Constantino, e con el o do cristianismo, no século IV d.C Intérnanos no fiel retrato dun tempo convulso da man de varios personaxes: o destino dunha mártir de Hispania, a traxedia dunha cristiá en Oriente, a vinganza dun ambicioso clérigo, a delicada misión de dous oficiais romanos e a gloria dun emperador que logrou vencer a todos os seus rivais.

Podes atopalo na biblioteca có rótulo: N CAS mar novidades histórica



jueves, 19 de julio de 2012

A cita da semana


"Haz libros que no parecen escritos para que la gente aprenda, 
sino para que se entere de que el autor ha aprendido algo"

Johann W. Goethe (1749-1832), poeta e dramaturgo alemán



miércoles, 18 de julio de 2012

Imos de viaxe a... Reino Unido

O ano pasado comezamos unha serie de post para facilitarvos a organización das vosas viaxes. Como aínda temos un montón de guías e paises por descubrir, hoxe voltamos co Reino Unido. Londres, Gales, Escocia... Un montón de atractivos turísticos cunhas temperaturas moi suaves no verán ;)







martes, 17 de julio de 2012

O que hai detrás de cada gran novelista...



lunes, 16 de julio de 2012

Outra ronda, por favor!



Porque sabemos que vos gusta o bo viño, que mellor para aprender algo máis sobre esta bebida, as súas variedades e como maridar cos mellores pratos cuns estupendos libros!! Porque nunca está de máis coñecer as características dun bo godello ou cal foi a mellor anada do Rioja. Premede nas imaxes para ver os rexistros do noso catálogo.


















viernes, 13 de julio de 2012

A cita da semana


"Los mejores libros son aquellos cuyos lectores creen
que también ellos pudieron haberlos escrito"

Blaise Pascal (1623-1662), científico, filósofo e escritor francés



jueves, 12 de julio de 2012

Las horas oscuras, de Juan Francisco Ferrándiz

Contan os anciáns que hai moito, moito tempo, cando o mundo se estremecía por temor ao inminente fin do milenio, un forasteiro chegou ás neboentas terras de Irlanda cunha misteriosa misión. Din que ese home, un monxe atormentado e valoroso chamado Brian de Liébana, fuxía duns malvados cabaleiros de pel pálida e alma escura, cuxo nome ninguén ousa pronunciar en voz alta sen persignarse.

Os máis vellos afirman que Brian e os seus compañeiros, sabios relixiosos vidos de todo o continente, atrevéronse a reconstruír o mosteiro de San Columbano, antano escenario dunha cruel matanza. E aínda que algúns xuran que profanar esas ruínas supuxo o inicio de todas as desgracias, outros opinan que foi a presenza intramuros dunha fermosa muller celta o que desatou a ira de Deus.

Pero se hai algo que ninguén nega nesa illa de ceo gris e abruptas costas é que a morte conseguiu traspasar os muros do mosteiro e estenderse polos sendeiros do bosque cual preludio da apocalipse. Que unha man asasina, atinada e impía, se cobrou a vida de moitos inocentes, e que, durante longos meses, druídas e monxes, nobres e plebeos, viviron atrapado baixo un denso manto de medo e de sospeitas.

Podes atopalo na biblioteca có rótulo: N FER hor novidades histórica


miércoles, 11 de julio de 2012

Novidades do cómic

Aquí estan as novidades da nosa comiteca. Unha variedade de comic europeo, americán e manga que de seguro será do voso agrado. Premede nas imaxes para ver os rexistros do noso catálogo...















Se queredes saber que máis podedes atopar nesta sección, premer aquí